كون أن الشخص يستطيع الضحك بصوت عالي وبنغمة مميزة .. شيء جميل .. لكن أن يكون يضحك بها على أتفه الأسباب وبشكل متكرر في نفس الجلسة .. هذا شيء يجيب الاشمئزاز! قدامي واحد كبير في السن وله ضحكة (تجيب المرض) ويضحك كل شوي .. رفع ضغطي لدرجة إني رفعت السماعات على أقوى شي ولازلت أسمع ضحكته البايخة! .. يبدو إني بطلع من ذا الكوفي بسبايبه!
شكل هذا الشخص : لابس غتره بيضا .. ونظارات مستطيلة نوعاً ما .. وشنبه نازل شوي .. وقصير القامة (أتوقع هذي مواصفات الشخص الغثيث) << واضح إني أبغضت ذا الرجال من جد :) .. و الرجال ماله ذنب مسكين .. الله يستر عليه ويوفقه ويعافيه ولا يبتلينا!
كتبت ذا الكلام من رفعة الضغط بس .. عاد مزاجي اليوم مايحتاج .. عندي شغل وقاعد اطقطق عليه من أول اليوم ويبدو أني برجع أغيّر الطريقة من جديد! .. :(
اللي قاهرني أنه أول ماتنتهي الضحكة تتغير تعابير وجهه بشكل مباشر من تعابير ضحكة إلى تعابير (عدم ضحكة) ..!